Një person i dehur me një kostum Babadimri u përplas me një shtëpi me makinën e tij teksa kishte dalë të shpërndante dhurata në prag të Krishtlindjeve, ndodhur kjo në shtetin lindor gjerman të Turingut.
Sipas një raporti të policisë të publikuar mëngjesin e sotëm, më 25 dhjetor, makina e 54-vjeçarit doli nga rruga dhe u përplas me një shtëpi dhe një makinë në komunën e Unstruttal, në veri të Mühlhausen.
Policia tha se shtëpia ishte dëmtuar rëndë, por dhuratat që burri kishte për familjen dhe miqtë ishin të padëmtuara.
Kur policia ka mbërritur në vendin e aksidentit, ka parë se burri nuk ishte i aftë për të drejtuar automjetin dhe i ka bërë testin e alkoolit në gjak.
54-vjeçari po ndiqet penalisht për rrezikim të qarkullimit rrugor.
Babadimri i padyshimtë deklaroi se do të vazhdojë të dorëzojë dhuratat e tij në Krishtlindje, por do t’i duhet të bëjë dorëzimin pa makinën e tij, pasi iu hoq patenta e shoferit. /tesheshi.com/
