Autostrada Karakoram, të cilën qeveritë që e ndërtuan e quajtën “Autostrada e Miqësisë”, është ndër pesë rrugët më të rrezikshme në botë.
Karakoram është rruga më e lartë ndërkombëtare e asfaltuar në botë. Ajo lidh Kinën dhe Pakistanin përmes vargmalit të Karakoramit, përmes Qafës Khunjerab, në një lartësi prej 4693 metrash.
Rruga me dy drejtime është 1,300 kilometra e gjatë, duke kaluar përmes Kashmirit nga Hassan Abdal, një qytet i vogël pranë Rawalpindi dhe Islamabad, në Kashgar në Rajonin Autonom Ujgur të Xinjiang të Kinës.
Ajo është e prirur për rrëshqitje dheu dhe përmbytje, dhe për t’i bërë gjërat më keq, rruga është e paasfaltuar në Pakistan. Vitet e fundit, rruga është kthyer në një destinacion turistik aventuresk për shkak të vendndodhjes së saj piktoreske dhe faktorit të lartë rreziku.
Është ende një atraksion turistik pasi kalon nëpër disa gryka spektakolare përgjatë Rrugës së vjetër të Mëndafshit. Gati 900 punëtorë humbën jetën gjatë ndërtimit të rrugës. Shpesh quhet “çudia e tetë e botës”.
Qindra aksidente me vdekje ndodhin çdo vit në këtë rrugë të rrezikshme që e përdorin vetëm drejtuesit e mirë dhe profesionistë. Ndërtimi i autostradës filloi në vitin 1959 dhe u hap në vitin 1978. /tesheshi.com/
