Revista prestigjioze që mbulon të rejat nga industria e orëve, “Wrist Watch”, ka publikuar rastin e shqiptarit nga Kosova me banim në Gjenevë, Rexhep Rexhepi i cili pasionin e tij për orët e dorës e ktheu në një sipërmarrje të prodhimit të tyre. Tashmë, ai ka themeluar markën e tij, “Akrivi A”.
“Gjëja e parë që të bie në sy kur shikon nga afër një orë te “Akrivi A” në metal, nën një lupë, është niveli ekstremisht i lartë i shkëlqimit. E gjithë ora duket se shndrrin, nga brenda -jashtë në një mënyrë që duket sikur të flet, si rezultat i dritës që shndrrin nga të gjitha sipërfaqet e lëmuara”, shkruan “Ërist Ëatch” për prodhimet e Rexhepit, i cili nga ana e tij thotë:
“Unë nuk jam personi që mund të revolucionalizojë industrinë e orëve. Por, kjo nuk do të thotë se unë nuk kam asgjë të re për të sjellë në tavolinë.
Më tej ai rrëfen se si i lindi pacionin për orët: “Mbaj mend se ishte një orë Tissot. Në atë kohë babai im punonte në Zvicër dhe çdo herë që vizitonte në Kosovë, unë e merrja orën e tij dhe dëgjoja tik-takun e saj. Disa herë përpiqesha ta hapja, por nuk arrija. Në fakt, vetëm sa arrija ta gërvishja orën”. Tashmë, orët e shqiptarit shiten në të gjithë botën, në tregjet më prestigjoze. /tesheshi.com/
