Fenomeni që njihet si ‘eksperienca pranë vdekjes’ është ai lloj përjetimi kur njerëzit pësojnë vdekje klinike dhe rikthehen përsëri në jetë dhe gjatë kësaj perjudhe dëshmojnë se kanë qenë pjesërisht të vetëdijshëm.
Eksperienca të tilla janë shënuar për herë të parë që nga grekët e lashtë.
Me kalimin e viteve, dëshira për të zbuluar këtë lloj misteri ka shtyrë shumë kërkues të thellohen në studime për ta shpjeguar shkencërisht fenomenin në fjalë.
Në vitin 1983, Dr. Bruce Greyson publikoi një pyetësor me 16 pika të cilin e quajti ‘kategorizimi i eksperiencës pranë vdekjes’ (Near-Death Experience Scale).
Në pyetësor përfshiheshin pyetje si: “A e ndjetë veten të ndarë nga trupi juaj?; Në ato momente ju duk sikur arritët të kuptonit gjithcka?; A mendoni se keni arritur të vërtetën?; A ka ndryshuar ndonjë gjë tek ju pas kësaj?”.
Por se çfarë ndodh në të vërtetë në këtë lloj fenomeni mbetet ende mister. /tesheshi.com/
