Referendumi mbi ndryshimet kushtetuese në Turqi mund të pasohet nga një tjetër referendum në atë vend mbi vazhdimin e procesit të anëtarësimit në BE.
Ka qenë presidenti turk ai që e ka paralajmëruar një referendum të tillë në një fjalë të mbajtur në Antalja. Në një aktivitet në qytetin bregdetar, Erdogani deklaroi se mund të ketë një referendum të llojit të Brexit-it mbi procesin e e anëtarësimit të Turqisë në BE, në duhet të vazhdojë më ai, apo jo.
“Ne kemi një referendum më 16 prill. Pas tij mund të mbajmë një referendum të ngjashëm me Brexit-in mbi negociatat [me BE-në]. Nuk ka rëndësi se ç’vendos populli ynë, ne do t’i bindemi.”
Turqia dhe BE-ja kanë një marrëdhënie të vështirë prej kohësh. Bisedimet për anëtarësim të Turqisë në BE nuk kanë patur asnjëherë një kulm të tyre, me negociatatat që kanë njohur bllokime periodike.
Qëndrimi i disa vendeve të BE-së gjatë kohëve të fundit, bllokimi i fushatës pro referendumit, si dhe dhënia strehë terroristëve, posaçërisht atyre që patën dorë në grushtin e dështuar të shtetit të një viti më parë, janë në vazhdën e kundërvënies së hapur ndaj qeverisjes së sotme në Turqi, në vazhdën e përkeqësimit të mëtejshëm të marrëdhënieve midis unionit europian dhe Turqisë. /tesheshi.com/
