Që të keni fytyrë të pastër dhe të freskët, mund të provoni disa zgjidhje alternative për kujdes edhe në kushte shtëpie. Receta për përgatitjen e tonikut për pastrim të fytyrës në kushtet shtëpiake, që po jua prezantojmë ju tërheq me thjeshtësinë e vet.
Gjithçka që ju nevojitet për të përgatitur këtë është esencë me aromën që ju pëlqen dhe majdanoz i freskët.
Në një litër ujë të zierë vini një tufë majdanoz të freskët dhe lëreni të përgatitet rreth 15 minuta. Më pas kullojeni dhe lëreni të ftohet. Mund ta mbani në një shishe të vogël në frigorifer një muaj të tërë.
Nëse dëshironi të ketë aromë të këndshme mund t’i hidhni disa pika esencë. Nëse kini fytyrë të yndyrshme, në vend të esencës së trëndafilit hidhni esencë nenexhiku, kurse nëse keni fytyrë të thatë, hidhni disa pika esencë trëndafili.
Për fytyrë normale është mirë që tonikut t’i hidhni disa pika esencë portokalli. Toniku duhet të përdoret në mëngjes dhe në mbrëmje. /tesheshi.com/
