Bëhet fjalë për kikirikë me çokollatë. Është një recetë shumë e thjeshtë për tu pregatitur dhe tejet e ushqyeshme, pas së cilës fëmijët tuaj do të ‘çmenden’ e do të duan ta konsumojnë përditë.
Për 12 kupa, përbërësit:
180gr çokollatë e zezë
gjalpë kokosi
¼ kupë gjalpë kikiriku
mjaltë
fara chia
fara kerpi ose luledielli
fara lini
Përgatitja:
Në një xhezve vendosni gjalpin e kokosit dhe çokollatën. E vendosni xhezven në një tenxhere me ujë që vlon dhe përzjeni deri sa të shkrijë çokollata.
Në secilën nga kupat vendosni çokollatë të shkrirë dhe i fusni 3 minuta në ngrirje.
Ndërkohë përzieni gjalpin e kikirikut, mjaltin dhe farat në një tas të vogël.
Hiqni kupat nga ngrirja dhe i hidhni përsipër çokollatës që tashmë ka ngrirë, nga përzieria me gjalpin e kikirikut duke i shtypur lehtë me një luge për ti dhënë formë të ngjeshur dhe të sheshtë.
E mbuloni me nga çokollatë të shkrirë dhe i vendosni sërish në ngrirje për rreth 10minuta.
I hiqni nga format dhe i vendosni në një enë qelqi në frigorifer. /tesheshi.com/
