Grushte dhe shqelma mbi barkun e një vajze për ta detyruar që të mos fliste. Episodi i radhës ku pre e dhunës janë femrat, ka ndodhur ditën e djeshme, rreth orës 18:30 në sheshin Carlo III ne Itali, ku një vajzë e moshës 21 vjeçare, e cila është në muajin e tetë të shtatzënisë, është dhunuar nga bashkëshorti i saj, i cili e ka përplasur në tokë dhe më tej e ka dhunuar.
Dy bashkëshortët, të cilët prej muajsh nuk jetonin në një shtëpi, ishin duke kaluar bashkë në shesh, të shoqëruar nga vajza tjetër e tyre, kur 24-vjeçari është munduar të marrë të bijën me vete. Në atë moment, gruaja e tmerruar nga ideja se bashkëshorti mund ti merrte të bijën e të mos ia kthente më, ka nisur të bërtasë dhe më tej ka rënë pre e dhunës së ushtruar nga i riu.
Ai e ka goditur 21 vjeçaren me grushte dhe shqelma në pjesën e barkut, ndëra kanë qenë disa kalimtarë ata që kanë ndërhyrë për të shpëtuar viktimën. Mes ulërimave dhe të qarave të vajzës së vogël, burri ka arritur të largohet nga vendngjarja, ku kanë mbërritur me shpejtësi ambulanca dhe policia.
Fatmirësisht viktima nuk ka pësuar dëmtime që mund ti shkaktonin pasoja negative në lidhje me shtatzëninë. Ndërkohë kanë nisur të gjitha procedurat për mbrojtjen e saj dhe 24-vjeçari dhunues është shpallur në kërkim nga policia.
Raste të tilla të dhunës mbi femrat i hasim rëndom edhe në ambientin e vendin ku jetojmë. Për të mos u marrë shembull janë e madje, për ti kritikuar nga ana e shoqërisë. /tesheshi.com/
