Nuk është aspak e zakonshme që të çosh me pushime në Paris punonjësit dhe aq më pak kur bëhet fjalë për plot 6 mijë e 400 të tillë.
Por me sa duket, për miliarderin Li Jinyan ky shpenzim nuk ka qenë asgjë para kënaqësisë që u fali punonjësve. Ai rezervoi 140 hotele në Paris me 4 dhe 5 yje për punonjësit e tij.
Për transportin e punonjësve atij iu deshën plot 147 autobuzë. Pritet që nga kjo vizitë të ardhurat në Francë të rriten me 33 milionë euro.
Jinyan është një ndër miliarderët më të mëdhenj në listën e Forbes. Li Jinyan, 57 vjeç, themelues i “Tiens Group”, është biznesmen në prodhimet farmaceutike.
Jinyan ka biznesin e tij qendror në Tianjin, Kinë dhe fiton rreth 438 milionë USD në vit. Njihet gjerësisht për bamirësi si dhe ka krijuar fondacionin “Tiens Meijing International Charitable” me një fond 100 milionë USD.
Po ashtu ka financuar me 100 milionë USD shkollën private Tianshi College in China, ku studiojnë 3,400 studentë. /tesheshi.com/
