Një “pushkë” prej Haradinajve të Rrafshit të Dukagjinit, Nasim Haradinaj, ka deklaruar pa ia bërë “syri tërr” nga Gjykata Speciale, se ka vrarë ushtarë serbë gjatë luftës sa ka mundur.
“Kam vra ushtarë serbë sa herë që kam pasur shansin. I them familjes time se më vjen keq që nuk kam vra aq sa më ka dashur qejfi. Më vjen keq që m’i kanë vra shokët, por më vjen mirë që i kam vrarë serbët. Nuk i trembem gjykatës Speciale”, ka deklaruar Nasim Haradinaj, përfaqësues i veteranëve të UÇK-së, gjatë një interviste në emisionin Frontal në T7.
Ai tha se nuk i trembet gjykimit në Speciale, porse shtoi se nuk beson në drejtësinë që mund të japë ajo. Tek e fundit, bëhet fjalë për viktima ushtarë e jo civilë serbë. Ndaj faktorit ushtarak serb ka luftuar dhe vetë faktori ndërkombëtar, NATO pra. /tesheshi.com/
