Miliona gra në Meksikë nuk kanë shkuar në punë, shkolla apo departamente qeveritare, duke u bashkuar në ditën e dytë të një proteste unike kundër dhunës dhe kulturës macho, raporton Reuters.
Qëllimi i protestës, e cila zhvillohet nën slloganin “Një ditë pa ne”, është të tregojë se si do të ishte jeta nëse gratë do të zhdukeshin nga shoqëria.
Kjo formë proteste pasoi një demonstrim masiv në Ditën Ndërkombëtare të Gruas.
Në Meksikën veriore, në qytetin Ciudad Juarez në kufi me SHBA, fabrikat janë jashtëzakonisht të qeta sepse shumë gra kanë qëndruar në shtëpi.
Protestës iu bashkuan edhe gra indigjene në jug të vendit, si dhe nëpunëse nga Ministria e Punëve të Jashtme.
Ndërkohë, presidenti meksikan Andres Manuel Obrador zemëroi shumë gra javën e kaluar, pasi pretendoi se konservatorët dhe kritikët e tjerë të qeverisë së tij kishin infiltruar në protesta. /tesheshi.com/
