Një prift katolik nga Alabama, i cili u arratis në Itali me një vajzë të re që e takoi kur ajo ishte ende gjimnaziste, përfundimisht u martua me 18-vjeçaren pasi u kthyen së bashku në SHBA, sipas një raporti nga The Guardian.
Sipas gazetës, 30-vjeçari Alexander Crowe u martua me një ish-studente 18-vjeçare në Shkollën Katolike McGill-Toolen në Mobile County, Alabama, të premten e kaluar.
Në fund të korrikut të kaluar, Crowe – një ekspert në studimin teologjik të demonëve dhe ekzorcizmit – u lirua nga detyrat e tij kishtare nga Kryepeshkopata Katolike e Mobile, pasi udhëtoi në Itali me një vajzë të re, madje duke lënë të kuptohet se nuk kishte ndërmend të kthehej në SHBA.
Kryedioqeza i tha 30-vjeçarit se ai kishte “braktisur misionin e tij” dhe e përshkroi sjelljen e tij si “plotësisht të papërshtatshme për një prift”. Megjithëse njoftimi nuk zbuloi detaje, priftërinjtë katolikë dihet se kanë një betim beqarie dhe, pas dekadave të skandaleve të abuzimit seksual nga klerikët, janë vendosur udhëzime për të vendosur kufijtë midis klerit dhe të rriturve të pambrojtur.
Për paradoks, ndërsa po toleron homoseksualët, Kisha Katolike nuk po heq dorë nga beqaria e cila është një ndër shkaqet kryesore se përse priftërinjtë rrëshqasin në kurvëri.
Prindërit e vajzës së re – të cilët ndoqën shkollën McGill-Toolen në kohën kur Crowe ishte aty – nuk ishin në dijeni se vajza e tyre do të shkonte në Itali me të.
Sipas Guardian, Zyra e Sherifit të Qarkut Mobile ka hetuar akuzat kundër priftit gjatë muajve të fundit se ai kishte kontakte të papërshtatshme me vajzat që ndiqnin shkollën katolike. Megjithatë, më 7 nëntor, një stacion televiziv lokal lëshoi një deklaratë që tregonte se prokuroria përfundimisht nuk do ta ndiqte penalisht. Në të njëjtën deklaratë u përmend se vajza që shkoi me Crowe në Itali u thirr nga autoritetet për të dhënë një deklaratë, por ajo nuk pranoi t’i përgjigjet çdo pyetjeje në lidhje me udhëtimin e tyre. “Duke qenë se nuk mund të flasim me të renë për këto incidente, nuk ka prova të mjaftueshme për ndjekjen e kallëzimeve penale në këtë fazë”, thuhet në deklaratën për mbylljen e hetimeve.
Hetuesit kishin gjetur një letër që Crowe i kishte dërguar vajzës në ditën e Shën Valentinit, kur ajo ishte ende 17 vjeçe. Në letrën e tij të dashurisë prifti shprehte pasionin e tij dhe thoshte se ata tashmë ishin të martuar. Por në fakt, dokumenti i martesës i depozituar bashkë në emrat e tyre në Mobile, e kishte shënuar datën e martesës si të premten.
Kryepeshkopi Thomas Roddy tha se ai planifikon të kërkojë largimin e përhershëm të Crowe nga priftëria, një masë jashtëzakonisht e rrallë që udhëheqja e kishës katolike ende i shmanget imponimit ndaj klerikëve që akuzohen penalisht – ose dënohen – për abuzim seksual.
Roddy ka mohuar vazhdimisht sugjerimet se Kryepeshkopata e Mobile ishte e ngadaltë ose e pavullnetshme për të bashkëpunuar në hetimin ndaj Crowe. /tesheshi.com/
