Presidenti i Guinea-Bissau, Umaro Sissoco Embalo i shpëtoi një përpjekjeje për grusht shteti dje, i fundit në një seri grushtesh shteti në Afrikën Perëndimore që vrau disa njerëz, tha Embalo.
Presidenti Embalo, një ish-gjeneral që erdhi në krye të vendit në vitin 2020, u shfaq para gazetarëve të martën në mbrëmje i padëmtuar dhe me humor të mirë pasi qëndroi me ministrat e bllokuar në pallatin qeveritar, nga i cili u dëgjuan të shtëna me armë zjarri pasdite.
Ministrat dhe presidenti kanë mbajtur një seancë të jashtëzakonshme në pallatin e qeverisë, pasi janë sulmuar nga persona të armatosur, motivet e të cilëve nuk dihen ende, sipas dëshmitarëve.
“Ata donin të vrisnin Presidentin e Republikës dhe të gjithë kabinetin”, tha ai.
Embalo nuk tha se kush qëndron pas përpjekjes për grusht shtet.
Ajo duhet të jetë “organizuar nga ata që kundërshtojnë vendimet që kam marrë, veçanërisht atë për luftën kundër trafikut të drogës dhe korrupsionit”, tha ai.
Siç tha, për pesë orë janë ekspozuar ndaj të shtënave në të cilat ka pasur “shumë të vdekur”. Embalo gjithashtu konfirmoi se kishte të arrestuar.
Komuniteti Ekonomik i Shteteve të Afrikës Perëndimore (CEDEAO) dënoi përpjekjen për grusht shtet, ndërsa presidenti i Komisionit të Bashkimit Afrikan, Moussa Faki Mahamat tha se ai ishte “shumë i mërzitur”.
Guinea-Bissau, një vend me rreth dy milionë banorë, në kufi me Senegalin dhe Guinenë, ka përjetuar disa grushte shteti. Që nga fitimi i pavarësisë nga Portugalia në vitin 1974, pas një lufte të gjatë për çlirim, ajo ka përjetuar katër grushte shteti, i fundit prej të cilëve ishte në vitin 2012.
Që nga viti 2014, autoritetet janë angazhuar për rivendosjen e rendit kushtetues. Vendi dominohet nga korrupsioni endemik dhe është një udhëkryq për tregtinë e kokainës midis Amerikës Latine dhe Evropës.
Që nga fillimi i vitit 2020, Umaro Sissoco Embalo ka qenë në pushtet, një ish-gjeneral pasi fitoi zgjedhjet presidenciale, rezultatet e të cilave kontestohen nga Partia Afrikane e Pavarësisë së Guinesë. /tesheshi.com/
