Një poster nga partia e Ilir Metës, ajo LSI shndërruar në Parti e Lirisë, të bën të shqyesh sytë. Njoftohet për organizimin e konventës së saj te Xhamia e Namazgjasë, pra te ajo e reja e inaguruar me bujë javë më parë, e cila është shndërruar dhe një ndër destinacionet kryesore të Tiranës, madje një ndër polet e interesit turistik, krahas motrës së saj të vogël, “Et’hem Beut” disashekulor në qendër.
Pa të dhënën e ambientit si detaj informues, të ngjan se ithtarët e Ilir Metës, prej javësh në burg, janë njëherësh dhe besimtarësh muslimanë. E si të tillë, aktivitetin e tyre politik do e mbajnë në xhami.
Në fakt është fjala për ambientet e poshtme të xhamisë, aty ekziston një sallë e konsideruar si më cilësorja në Tiranë, e marrë dhe e dhënë për aktivitetin në fjalë.
Pra, nëse posteri do e kishte fjalën me funksion detajues e orientues “sallë”, posteri nuk do ishte kaq shokues në vetëvete. /tesheshi.com/
