Udhëheqësit ushtarakë meksikanë në fillim të shekullit ‘20, ndoshta kurrë nuk kishin ëndërruar se manovrat e tyre ushtarake në ishujt Marietas do të prodhonin një prej sensacioneve më të mëdha turistike në botë.
Gjatë testimit të një bombe ata krijuan një krater të madh në mes të pyllit të dendur që tashmë është bërë një plazh i ëndrrave, të cilit meksikanët i kanë vënë emrin “plazhi i dashurisë”.
Në krater u formua një plazh i bukur me rërë, prej së cilës me anë të tuneleve të ujit mund të arrihet deri në bregdet. “Plazhi i dashurisë” nuk është sensacioni i vetëm i rastësishëm në ishull. Shpërthimet tjera krijuan shpella dhe tunele të cilat turistët i eksplorojnë me ëndje.
Ventura Osorio, njeriu i cili punon si udhërrëfyes në Marietas, shpjegon:
“Në prag të Luftës së Parë Botërore, ushtria meksikane përdori ishujt si terren për testimin e bombave të ndryshme. Dhe si rezultat u krijua ky plazh”. /tesheshi.com/
