Sa më shumë alternativa të kemi për gatimin e patateve aq më të lumtur janë fëmijët. Nëse këta të fundit bëjnë naze për aromën e qepës, mund të mos i përdorni.
Koha e përgatitjes – 20 minuta
Përbërësit për 4 persona:
6 patate të mëdha
2 qepë të njoma
2 kunguj
1 karotë
2-3 lugë miell
1 vezë
vaj kikiriku për t’i skuqur ose atë që keni ju
Susam sipas dëshirës
Përgatitja:
1.Patatet e qëruara i grijmë me rende me vrima të mëdha. Të njëjtën gjë bëjmë me kungujt dhe karotat. Qepët i grijmë shumë imët me thikë. Patatet, bashkë me qepët e grira, i shtrydhim mire me dorë për t’u kulluar lëngun dhe i hedhim në një tas ku shtojmë vezën, miellin, kripë e piper dhe i përziejmë mirë.
2.Marrim pak nga brumi dhe me dorë u japim formë të sheshtë, gati 1 cm të trashë.
3.I skuqim në tigan me vaj të nxehtë për pak minuta në të dyja anët. I shoqërojmë me sallatë jeshile ose si kontorno për pjata me mish./tesheshi.com/
