Sa për të ndryshuar shijen nga fasulet apo thjerrëzat e dimrit, mund të provoni gjellën me qiqra. Në këtë rast, përdorimi i lakrave jeshile, i jep asaj edhe ca nuanca të freskëta.
Përbërësit:
150 gr qiqra konserve
250 gr pazi
Gjysmë qepe
1 karotë
1 thelb hudhër
Lëng perimesh
1 patate
1 gjethe dafinë
Kripë, piper
Vaj ulliri
Pak spec djegës
200 gr makarona supe
Përgatitja: Në një tigan të thellë, vini për të skuqur qepën e prerë hollë bashkë me karotën. Shtoni edhe pataten e prerë në kubikë me gjethen e dafinës. Kaurdisni dhe nisni të shtoni lëngun e perimeve.
Kur të nisë të ziejë, shtoni gjethet e lakrave dhe në fund qiqrat. Rregulloni shijen me kripë, piper dhe specin djegës sipas dëshirës. Në fund shtoni makaronat dhe lëreni deri sa ato të ziejnë për ta servirur./tesheshi.com/
