Ka përfunduar në Prokurori një autoritet shumë i lartë i drejtësisë shqipate dhe nëse gjykohet nga posti, ai mund të quhet një “peshk i madh”.
Bëhet fjalë për Besnik Imerajn, ish-anëtarin e Gjykatës së Lartë dhe KLD-së.
Imeraj shmangu vettingun dhe dosja e tij mbërriti menjëherë në tavolinën e Arta Markut. Komisioni i Pavarur i Kualifikimit ka referuar pranë Zyrës së Prokurores së Përgjithshme të gjithë dokumentacionin që rezultoi nga hetimi administrativ gjatë procesit të rivlerësimit të ish-gjyqtarit të Gjykatës Kushtetuese, Besnik Imeraj.
Ndërkohë, Imeraj tha se ky kallëzim është i pabazuar në ligj dhe kushtetutë dhe ka motive politike.
“Kjo që po ndodh nuk ka asnjë bazë kushtetuese dhe ligjore.
Që kur Edi Rama dhe qeveria bëjnë kontrollin e gjyqtarëve, çdo gjë është e qartë.
Unë jam në rregull dhe nuk kam asnjë problem me ligjin dhe Kushtetutën.
Kjo e gjitha është e motivuar politikisht”, u shpreh Besnik Imeraj.
Ish-anëtari i Gjykatës Kushtetuese, Besnik Imeraj dha dorëheqjen me 31 janar duke e argumentuar motivin me arsye personale. /tesheshi.com/
