Banania, veç se një frut ekzotik shumë i shijshëm, ka edhe mjaft veti të tjera kuruese, siç i kemi përmendur në artikujt e mëparshëm të publikuar tesheshi.com. Ajo është një ilaç shumë i mirë dhe efikas për largimin e kollës apo trajtimin e bronkitit. Efektet pozitive të bananes mund të vihen re lehtësisht tek fëmijët, por edhe tek të rriturit.
Është shumë e shëndetshme, e shijshme dhe me efekte pozitive në të gjithë organizmin, përfshirë edhe stomakun. Nëse keni një fëmijë të vogël, i cili vuan nga kolla dhe dhimbjet e fytit, ju këshillojmë të përgatisni këtë përzierje me bazë banane dhe t’ia jepni për të ngrënë. Përgatitja është shumë e thjeshtë.
Receta me banane kundër kollës
Përbërësit:
Dy banane të mesme të pjekura mirë
2 lugë gjelle me sheqer ose mjaltë (nëse shtoni mjaltë, bëni kujdes që ta hidhni atë kur përzierja është ftohur disi, pasi mjalti i humbet vetitë e tij në temperatura të larta).
400 ml ujë të zier.
Përgatitja:
Hiqni lëkurën e bananes. Përziejeni atë me një pirun apo lugë. Këshillohet ta bëni përzierjen në një enë plastike dhe jo alumini. Shtoni sheqerin dhe përziejeni mirë.
Pasi të keni vënë ujin të ziejë, hidheni at mbi bananen me sheqer. Mbulojini dhe lërini të veprojnë për 30 minuta. Nëse do të përdorni mjaltë, hidheni atë në fund, pasi përzierja të jetë ftohur.
Konsumi:
Gjithmonë nxehni me kujdes përzierjen dhe konsumojeni atë katër herë në ditë (rreth 100 ml). Mund të përgatisni çdo ditë një masë të tillë, nëse dëshironi. Brenda disa ditësh do të vini re se kolla do të ndalojë./tesheshi.com/
Mos e hidhni lëkurën e bananes, ja çfarë mund të bëni me të
Një maskë e thjeshtë për rritjen e flokut: me banane
Sekreti i çajit me banane, arsyeja pse duhet ta konsumoni para se të flini
Maskë me banane dhe mjaltë për një fytyrë të lëmuar (dhe nga çfarë duhet të bëni kujdes)
Gjithçka që nuk dini për lëkurën e bananes (vlerat ushqimore dhe pse duhet ta konsumoni)
A është e vërtetë se konsumi i gjashtë bananeve njëherësh mund të shkaktojë vdekjen?
Për 12 ditë rresht nuk ha asnjë gjë tjetër veç bananeve: ja çfarë ndodhi me këtë vajzë
