Një përballje topi Rusi – Ukrainë: sillet në kujtesë Serbi – Shqipëri

Kampionati Europian i hendbollit po shkon drejt fundit, ku tashmë po luhen gjysmëfinalet. Një prej tyre është Ukrainë – Rusi, e cila pritet të luhet në mbrëmje.

Një duel mes ekipeve kombëtare të vendeve në konflikt. Një ndeshje mes ekipeve kombëtare të dy kombeve që luftojnë për territor, në mes të tensioneve të tmerrshme politike dhe ushtarake, e theksojnë këtë mediat serbe.

A mundet sporti të lidhet ose të ndahet më tej në një fushë 40×20?

Sporti është i rrënjosur thellë në marrëdhëniet midis Rusisë dhe Ukrainës, ndaj dhe Shakhtar, një nga klubet më të mëdha ukrainase, nuk luan në Donetsk dhe rajonin e tij Donbas, i cili kontrollohet nga Rusia, ashtu si Krimea.

Nëse kjo ndeshje është më shumë se një lojë dhe nëse do të kontribuojë në qetësimin e tensioneve apo do të ndodhë e kundërta, mbetet për t’u parë.

Të gjithëve na kujtohet ende skenat e pakëndshme nga ndeshja ndërmjet Serbisë dhe Shqipërisë në vitin 2014, kur tifozët e skuadrës mike hodhën një dron me flamurin shqiptar në stadiumin e JNA.

Kjo sigurisht revoltoi tifozët vendas të cilët u nisën për të larë hesapet me lojtarët mysafirë, shkruajnë mediat e rajonit.

Sillet në kujtesë gjithashtu dhe dueli mes dy vendeve që ndaheshin me mur fizik për arsye idelogjike. Republika Federale e Gjermanisë kundër Republikës Demokratike të Gjermanisë në Kupën e Botës 1974 në Gjermaninë Federale.

Faza e grupeve po mbyllej dhe dy përzgjedhje tashmë kishin avancuar. Ndeshja u luajt në Hamburg dhe RDGJ fitoi 1:0.

Futbolli nuk ishte i rëndësishëm atë ditë, helikopterët fluturuan mbi stadium dhe snajperët ishin në çati. Lufta e Ftohtë ishte në kulmin e saj.

Ka shumë shembuj të tjerë përgjatë historisë së ndeshjeve që vërtetuan atë paradigm të famshme sesi futbolli është më shumë se thjesht një lojë me top. /tesheshi.com/