Shkencëtarët paralajmërojnë se akullnajat austriake mund të zhduken në të ardhmen e afërt për shkak të ndryshimeve klimatike, raporton dpa.
Për të ruajtur të paktën një pjesë të masës së akullit, rritja e temperaturës globale duhet të mbahet nën 1.5 gradë Celsius në krahasim me periudhën para-industriale, sipas një studimi të një ekipi austriak-britanik të botuar në revistën The Cryosphere.
Akullnajat e shkrira
Në rajonet Otztal dhe Stubaital, pesë akullnaja tashmë janë shkrirë plotësisht midis 2006 dhe 2017.
Bashkëautori i studimit Fabien Maussion nga universitetet e Bristol dhe Innsbruck paralajmëron se koha për një reagim në kohë po “mbaron shpejt”.
Parashikimi i studimit i referohet akullnajave të provincës së Tirolit, por rezultatet e tij mund të zbatohen në të gjithë Austrinë.
“Ne po shikojmë që akullnajat të zhduken. Mbetjet e akullit që nuk lëvizin më ose nuk kanë një zonë ushqimore në fakt nuk janë më akullnaja. Është akull i vdekur,” tha një studiues nga Instituti për Kërkimet Ndërdisiplinore të Maleve në Akademinë Austriake të Shkencave (OAW). /tesheshi.com/
