Familja e Malcolm X, luftëtarit amerikan për të drejtat e njeriut, i cili u vra gati 60 vjet më parë, ngriti një padi prej 100 milionë dollarësh në të cilën akuzojnë FBI-në, CIA-n dhe policinë në Nju Jork se kanë lejuar vrasjen.
Padia, e ngritur nga vajza e Malcolm, Ilyasah Shabazz dhe anëtarët e tjerë të familjes, pretendon se agjencitë e dinin se atentati ishte planifikuar dhe nuk bënë asgjë për ta parandaluar atë, raporton Reuters.
“Ata komplotuan për të vrarë Malcolm X, një nga mendimtarët më të mëdhenj të shekullit të 20-të”, tha avokati i familjes, Ben Crump, në një konferencë shtypi.
Padia u ngrit në një qendër përkujtimore në Nju Jork në vendin ku u vra Malcolm X.
Policia e Nju Jorkut, FBI dhe CIA nuk e kanë komentuar ende lajmin.
Separatizmi i zi
Malcolm X u bë i famshëm si zëdhënësi kombëtar i Kombit të Islamit, një organizatë e muslimanëve afrikano-amerikanë që mbronte separatizmin e zi.
Pasi kaloi më shumë se dhjetë vjet atje, ai e la publikisht atë në 1964.
Ai zbuti disa nga pikëpamjet e tij të mëparshme mbi ndarjen racore, gjë që zemëroi disa anëtarë të organizatës dhe nxiti kërcënime me vdekje.
Talmadge Hayer, në atë kohë një anëtar i Kombit të Islamit, pranoi në gjykatë se ai ishte një nga tre atentatorët më 21 shkurt 1965.
Megjithatë, spekulimet se qeveria e dinte për planifikimin e atentatit dhe e lejoi atë të ndodhte vazhduan për dekada. /tesheshi.com/
