Një mauritanian i burgosur padrejtësisht për 14 vjet në bazën e marinës amerikane në Guantanamo, historia e të cilit u bë një film i sukseshëm në vitit 2021 – “The Mauritanian”, tashmë kërkon dëmshpërblim për atë jetë kaluar padrejtësisht jo thjesht pas hekurave.
Mohammad Ould Slahi, tani 51 vjeç, beson se “dezinformatat” e dhëna nga autoritetet kanadeze për kohën kur ai ishte banor i Montrealit e çuan në burg, sipas padisë së ij, e cila u dorëzua të premten.
Ai po kërkon 35 milionë dollarë (25.5 milionë euro) si dëmshpërblim, përfshirë interesin. Burri pretendon se informacioni i rremë i dhënë nga shërbimet e inteligjencës kanadeze në SHBA rezultoi në ndalimin e tij në burgun ushtarak amerikan, ku thotë se ka pësuar “tortura dhe abuzime të papërshkrueshme”.
Autoritetet kanadeze, ankohet ai, më pas “pranuan në heshtje” torturat që ai pësoi, deri në “përdorimin” e informacionit që përmbante rrëfimet që i ishin nxjerrë me to.
“Ndalimi dhe keqtrajtimi i Slahit u zgjat për shkak se pranimi dhe përdorimi i rrëfimeve të torturës të marra nga autoritetet kanadeze vërtetoi vazhdimin e torturës dhe burgosjes së tij,” argumentuan avokatët e paditësit.
Mohammad Ould Slahi tregoi historinë e tij në një libër (“Ditari i Guantanamos”) i cili pati një sukses përpara se të transferohej në ekranin e madh. Filmi, me aktorët Tahar Rahim dhe Jodi Foster, përshkruan me saktësi kushtet ekstreme në bazën ushtarake amerikane.
Ai qëndroi në Gjirin e Guantanamos, pa gjyq, nga viti 2002 deri në vitin 2016. Pas arrestimit të tij në vitin 2011 në Mauritania, ai u burgos në Jordani dhe Afganistan përpara se të transferohej në Gjirin e Guantanamos. Ai përmend në librin e tij “turin botëror të torturës dhe poshtërimit” që ka jetuar.
Autoritetet amerikane e kishin akuzuar atë si anëtar të Al Kaedës, për përfshirje në të ashtuquajturën “bërthamë e Hamburgut”, për të cilën ata thanë se ishte e lidhur me sulmet e 11 shtatorit në Neë York dhe Pentagon. Porm në rastin e tij, rezultoi një fiasko. /tesheshi.com/
