Jose Mourinho ka marrë një ofertë për të marrë përsipër Al Nassr, klubin nga Arabia Saudite ku luan Cristiano Ronaldo.
Mediat italiane shkruajnë se ajo është e tillë që sigurisht që shkakton shqetësim në Romë pasi Mourinhos i është ofruar një kontratë dyvjeçare me pagë 60 milionë euro në sezon, shkruan SCsport.
“Është e pamundur që ai të mos tundohet prej tij”, tha Corriere dello Sport në një lajm këtë mëngjes. Nëse pranon ofertën dhe nënshkruan për Al Nassr, Mourinho do të bëhet trajneri më i paguar në historinë e futbollit.
Kontrata gjithashtu i ofron atij mundësinë për t’u larguar nga klubi pas një viti ose për të vazhduar kontratën deri në Kupën e Botës 2026.
Mourinho ka kontratë me Romën deri në verën e vitit 2024. Ai merr rreth shtatë milionë euro në vit nga klubi. /tesheshi.com/
