Një objekt i madh metalik ende i paidentifikuar ka rënë nga qielli me 10 nëntor në një rajon të largët malor në shtetin Katchin të Mianmarit. Objekti misterioz është në formë cilindrike me dimensione 4.5 m i gjatë dhe 1.2 m i gjërë. Ai ka rënë në një fshat në afërsi të një miniere. Objekti cilindrik ka rënë në orët e para të mëngjesit dhe i ka trembur banorët për shkak të turbulencave ajrore dhe zhurmës së shkaktuar.
Fillimisht ata kanë kujtuar se mos janë shfaqur UFO-t, ndërsa më pas era djegëse e ka mbushur ajrin, sipas agjensisë “The Times Myanmar”. Banorët fillimisht thanë se kujtuan se mos kishte shpërthyer lufta, pasi nga shpërthimi u lëkundën shtëpitë. Pati edhe tym. Në shikim të parë, objekti duket si pjesë avioni. “Mendoj se ishte një motor, sepse kam gjetur një diodë dhe shumë tela e bakrit në pjesën fundore të e trupit”, është shprehur fshatari Ko Maung Myo për “ The Myanmar Times” .
Megjithatë, zyrtarët e qeverisë kanë thënë se ende nuk e kanë identifikuar objektin dhe se janë dërguar ekspertë për të shqyrtuar atë. Një zyrtar i qeverisë në Departamentin e Aviacionit ka thënë se objekti dukej më shumë si një përforcues rakete sesa pjesë e një avioni komercial.
Ndërkohë që është njoftuar se një copë metali me mbishkrime kineze ka rënë mbi një çati dhe e ka shkatërruar atë, por nuk janë raportuar viktima. Dyshimet kryesore janë se incidenti mund të jetë i lidhur me programet hapësinore kineze. “Objektet metalike janë supozuar të jenë pjesë e një sateliti apo të pjesëve të motorit të një avion apo raketë”, raportoi Global New Light. Por qeveria e shtetit Kachin ka deklaruar se nuk ishte në gjendje që menjëherë të identifikonte objektin. /tesheshi.com/
