Një “non grata”, hetimet për 21 Janarin…: vjen paralajmërimi më i fundit amerikan

Një tjetër mesazh amerikan që mund të ketë për target Berishën, apo dhe dikë tjetër afër tij, pas shpalljes “non grata” familjarisht.

Pas një takimi të ambasadores Yuri Kim me krerët e SPAK dhe BKH, një ditë pas rihapjes së hetimit mbi 21 Janarin, nga selia amerikane në Rrugën e Elbasanit përcillet ky mesazh informues, por më shumë paralajmërues.

“Zhvillimi i vërtetë po ndodh. SPAK e nisi vitin 2021 me rezultate të vërteta nga çështje të mëdha.

Ndërsa mesi i vitit 2021 po afron, Kreu Kraja dhe Drejtori Hajnaj i rikonfirmuan Ambasadores Kim se puna po vijon intensivisht në SPAK.

Pavarësisht sfidave dhe sulmeve, SPAK është përqendruar për të treguar se askush nuk është mbi ligjin.

Ata vazhdojnë të hetojnë krime të ndryshme, të organizuara e të mëdha, korrupsionin dhe krimet zgjedhore, dhe janë të vendosur për t’i dhënë fund pandëshkueshmërisë.

Askush nuk është mbi ligjin!” mbyllet postimi i ambasadës së SHBA-së në Tiranë. /tesheshi.com/