Një pikë referimi e famshme natyrore në Ishujt Galapagos, Harku i Darvinit, u shemb për shkak të erozionit, njoftoi Ministria e Mjedisit në Ekuador. Eshtë një formacion guri natyror dhe jashtëzakonisht tërheqës në juglindje të ishullit Darvin që nuk ekziston më në formën e tij aktuale.
“Eshtë një pasojë e erozionit natyror. Harku i Darvinit është bërë prej guri natyror dhe dikur ishte i lidhur me ishullin. Vendi konsiderohet si një nga vendet më të mira në planet për t’u zhytur dhe vëzhguar tufat e peshkaqenëve dhe specieve të tjera detare”, tha ministria në një deklaratë.
Harku u përplas në oqean rreth orës 11 të mëngjesit me kohën lokale dhe për fat të mirë asnjë zhytës nuk u lëndua. Galapagos u vendosën nën mbrojtjen e UNESCO-s në 1978 dhe u bë i famshëm nga britaniku Charles Darwin pasi e e frymëzoi atë për një teori të evolucionit të specieve. Rreth 30,000 njerëz jetojnë në ishull.
“Prishja është një kujtesë se sa e brishtë është bota në të cilën jetojmë. Ndërsa njerëzit nuk mund të bëjnë pothuajse asgjë për të parandaluar erozionin dhe procese të ngjashme gjeologjike, ne mund të mbrojmë botën e bukur nënujore. Më erdhi keq që dëgjova që u shemb. Ajo ishte një nga atraksionet kryesore,” komentoi Jen Jones nga Fondacioni i Konservimit Galapagos. /tesheshi.com/
