Në fundin e agjendës së tij në Tiranë, Sekretari Blinken pati një takim me krerët kryesorë të drejtësisë shqiptare.
Te Piramida, ai është takuar me kreun e SPAK-ut Altin Dumani, kryetaren Kushtetueses Holta Zaçaj, kryetarin e Gjykatës së Lartë Sokol Sadushi, si edhe Inspektorin e Lartë i Drejtësisë Artur Metani.
Këtij takimi, kreu i diplomacisë amerikane ka ndarë një mesazh për publikun, me pesë rreshta, por që sicc duket ka gabuar në statusin e katërshes që ka takuar. Blinken i ka quajtur ata drejtuesit e Reformës në Drejtësi, kur në fakt ata janë zbatuesit e saj.
“Reforma në drejtësi është thelbësore për Shqipërinë dhe përpjekjet e saj për integrim në BE. U takova me drejtuesit e reformës në drejtësi në Tiranë për të përgëzuar progresin e tyre në avancimin e shtetit të së drejtës dhe luftimin e korrupsionit”, shkruan Blinken.
Në një qasje tjetër kuptimore, duhet theksuar se ata janë drejtuesit e drejtësisë së reformuar. Drejtuesit e Reformës në Drejtësi janë ata që u morrën me reformimin e saj, fillimisht nga politika me anë të ndryshimeve të domosdoshmë kushtetuese për të vijuar më proceset pasuese, ku një rol të madh patën ndërkombëtarët. /tesheshi.com/
