E mbani mend Stefan Fylen?! Ka qenë Komisioner i BE-së për Zgjerimin, ndërsa sot është i dërguari i Republikës Çeke për Ballkanin. Çekia është një operator që rajonin e ka si treg të rëndësishëm dhe i mban lidhjet me vendet e gadishullit.
Por Fyle, një diplomat me shumë eksperiencë, ka marrëdhënie të mira me Ramush Haradinajn, me të cilin negocoi edhe çështjen e Hagës shumë vite më pare, ku kreu i AAK-së doli i pafajshëm. Mund të thuhet se ata janë miq dhe takohen shpesh. Dhe pikërisht ky aspekt ka qenë i rëndësishëm për misionin që ka marrë Fyle për të negocuar brenda opozitës kosovare për zgjedhjen e Presidentit të ri.
Siç bën të ditur zyra e shtypit e AAK-së, ky ka qenë një prej takimeve të rregullta që Kryetari Haradinaj ka zhvilluar me ish-komisionerit Fule, gjatë periudhave të ndryshme të këtyre viteve.
Siç thuhet në njoftimin e AAK-së, “Haradinaj ka shpjeguar situatën politike në Kosovë, me theks të veçantë propozimin konkret për të tejkaluar krizën politike dhe institucionale të gjashtë muajve të fundit, si pasojë e nënshkrimit të marrëveshjeve të dëmshme për Kosovës dhe mungesës së reflektimit nga ana e Qeverisë së Kosovës, duke propozuar që zgjedhjet e parakohshme te jenë si zgjidhje funksionale”. /tesheshi.com/
