Ministri i Mbrojtjes i Ukrainës, Oleksii Reznikov, i ka kërkuar falje Turqisë për krahasimin e numrit të viktimave të luftës me Rusinë me atë të tërmetit shkatërrues të 6 shkurtit.
“Ukrainasit ndjejnë simpati për popullin turk,” siguroi z. Reznikov të hënën përmes Tëitter.
Reznikov tha në një intervistë për gazetën spanjolle La Razón se humbjet e ushtrisë ukrainase në luftën që shpërtheu në shkurt 2022, kur ushtria ruse pushtoi territorin e vendit të tij, janë më të ulëta se viktimat e tërmetit shkatërrues që goditi Turqinë më 6 shkurt 2023.
Vetëm në Turqi, tërmeti shkatërrues vrau mbi 50,000 njerëz.
Ukrainasit “e kuptojnë se si është të varrosësh mijëra njerëz të pafajshëm – miq dhe fqinjë,” tha Reznikov. “Unë u jam mirënjohës miqve turq për mbështetjen e palëkundur dhe qëndrimin e tyre të fortë ndaj Krimesë pas fillimit të pushtimit rus.”
Turqia po luan një rol ndërmjetësues në luftën Rusi-Ukrainë. Megjithatë, ajo furnizoi ushtrinë ukrainase me UAV dhe automjete të blinduara, ndër të tjera. /tesheshi.com/
