Një kuzhinier i cili dikur flinte në një park parizien ndërsa punonte si pjatalarës, arriti të fitonte një yll Michelin për restorantin e tij në kryeqytetin francez.
Alan Geaam ka lindur në një familje libaneze që jeton në Liberi, ku lufta i detyroi ata të ktheheshin në Bejrut.
“Kur arrita, kalova disa net nën yjet parizienë. Fjeta jashtë Champ-de-Mars për një javë. Pastaj fillova të bëj punë të vogla, duke filluar nga ndërtimi. Bëra piktura, vura pllaka si dhe restaurim ndërtese. Gjatë natës, puna ime e dytë ishte si pjatalarës dhe aty nisi gjithçka”, tha ai për AFP.
Mundësia e tij për tu promovuar si kuzhinier ishte kur shefi i kuzhinës lëndoi veten me një thikë dhe ai tregoi gjithçka kishte mësuar nga një shërbim kombëtar në Lebanon.
“Më duhet të pranoj se nuk e prisja gjithë këtë, sidomos këtë vit. Gjithmonë mendoja se Michelin ishte më shumë në shefa luksozë ose tek ata që janë trajnuar në vende të mira që kanë yje. Nuk e mendoja që familja Michelin mund të interesohej në një karrierë si e imja, dikush që mësoi veten që flinte në rrugë kur ishte 19 vjeç, një pjatalarës. Aktualisht është e kundërta. Ishte një surprizë e madhe”, tregoi kuzhinieri.
Termi “Michelin Star” është një shenjë dalluese e cilësisë së ngrënies në restorantet në mbarë botën që promovojnë me krenari statusin e tyre si yll./tesheshi.com/
