SHBA e duan Shqipërinë me Gykatë Kushtetuese deri në fund të vitit. Këtë “dead line” për institucionin që ka shkaktuar një prej aksidenteve të Reformës në Drejtësi, e që njëherësh është bërë “mollë sherri” politik, e ka vendosur vetë ambasadorja Yuri Kim.
“Presidenca dhe Parlamenti kanë publikuar listat e tyre përkatëse të kandidatëve për Gjykatën Kushtetues.
Ne i duartrokasim ata që iu përgjigjën thirrjes për të shërbyer.
Inkurajojmë Këshillin e Emërimeve në Drejtësi të veprojë shpejt për të vlerësuar kandidatët.
Shqipëria duhet të ketë Gjykatë Kushtetuese deri në fund të vitit”, shkroi gruaja që përfaqëson Uashingtonin në Tiranë.
Mbetja e vendit pa Gjykatë Kushtetuese për gati 3 vjet, si pasojë e skualifikimit të anëtarëve të saj nga vettingu, u ka shërbyer kontestuesve të Reformës në Drejtësi, posaçërisht Metës, për të sulmuar ashpër të parin e qeverisë, drejtpëdrejt, e tërthorazi, SHBA dhe BE si investitorë, promovues dhe mbrojtës të saj. /tesheshi.com/
