Në fund të javës së kaluar, superstari Rihanna nisi një video-fushatë të linjës së saj të kozmetikës Fenty Beauty, dhe e tëra ka të bëjë me celebrimin e diversitetit.
Midis modeleve të paraqitur në këtë fushatë është edhe Halima Aden, një amerikane me prejardhje somaleze, e cila është bërë e famshme në botë si modelja e parë me hixhab që merr pjesë në pistat më të mëdha të industrisë së modës.
Përkundër faktit që industritë e bukurisë shpesh kufizojnë produktet e tyre në një spektër të ngushtë klientësh, duket sikur linja kozmetike e Rihannës do të përkujdeset për gratë me të gjitha tonet e lëkurës, veçanërisht ato me lëkurë të errët.
Xhirimi rreth një minutë i gjatë i videos është lavdëruar për paraqitjen e një regjistri divers prej gati 15 modelesh, duke përfshirë një modele të veshur me hixhab.
Fenty Beauty, e cila njihet si “brezi i ri i bukurisë”, do të vërshojë raftet në nivel global në dyqanet me pakicë Sephora dhe Harvey Nichols duke filluar nga 8 shtatori. /tesheshi.com/
