Një mister tragjik ka goditur një komunitet në Oklahoma pasi një fëmijë 2 vjeç, i cili u zhduk nga shtëpia e tij në mes të natës, u gjet i vdekur jo shumë larg.
Ares Muse u gjet mbrëmjen e së hënës, 12 shtator, pasi u zhduk nga shtëpia ku jetonte në Okemah një natë më parë, tha Departamenti i Policisë Muscogee Creek.
I mituri u pa për herë të fundit në shtëpinë e tij rreth orës 1:30 të mëngjesit, pasi “u zvarrit në shtrat me prindërit e tij”, tha babai i tij, Nikita Muse.
Kur babai dhe nëna u zgjuan rreth orës 6:30 të mëngjesit, Ares ishte zhdukur.
Dy-vjeçari Ares thuhet se arriti të kalonte nëpër tre dyer të mbyllura dhe u largua nga shtëpia e tij në mes të natës.
Ende nuk dihet shkaku i vdekjes.
Edhe pse autoritetet ende nuk e kanë cilësuar vdekjen si të dyshimtë, një hetim zyrtar është duke u zhvilluar dhe familja e djalit po bashkëpunon me zyrtarët e rendit. /tesheshi.com/
