Numri i të ardhurve në Shqipëri është 77 për qind më i lartë se i njëjti muaj i vitit të kaluar, por edhe rreth 20 për qind më i lartë krahasuar me vitin rekord 2019.
Një milion shtetas të huaj dhe shqiptarë kanë hyrë në Shqipëri në muajin maj, që është 77 për qind më shumë se në të njëjtin muaj të vitit të kaluar dhe afërsisht 20 për qind më shumë se në vitin rekord të 2019-ës, raporton TCH.
Sipas statistikave, rritja më e madhe e hyrjeve – gati pesëfish – shënohet në ardhjet nga Greqia, sepse pas
heqjes së kufizimeve greke, emigrantët shqiptarë filluan të vizitojnë atdheun e tyre, ndërkohë që turizmi “patriotik” përfshin ardhjen e të paktën 100.000 shqiptarëve nga Kosova.
Siç njofton agjencia MIA, numri i të ardhurve nga vendet e iniciativës Ballkani i Hapur vazhdon të rritet.
Kështu, nga Maqedonia e Veriut në maj erdhën 20 mijë më shumë qytetarë sesa maji i kaluar, gati 14 mijë më shumë nga Mali i Zi, ndërsa gjithsej 7200 turistë nga Serbia.
“Tendenca e rritjes vlen edhe për Italinë me 30 mijë pasagjerë më shumë këtë vit. Rritje të fortë kanë edhe britanikët me 10,000 pasagjerë më shumë se një vit më parë. Ata janë tërhequr nga festivalet që zhvillohen në Shqipëri nga jugu në veri të vendit”, shkruan TCH.
Për periudhën janar-maj, në Shqipëri kanë hyrë gjithsej 3,45 milionë persona, që është afër rekordit të vitit 2019, kur hynë hyrë 3,5 milionë persona. /tesheshi.com/
