Më shumë se një milion britanikë kanë nënshkruar një peticion kundër pezullimit të Parlamentit nga mesi i shtatorit deri në mes të tetorit, siç kërkohet nga kryeministri Boris Johnson.
“Parlamenti nuk duhet të pezullohet ose shpërndahet nëse neni 50 nuk zgjatet sa duhet”, thuhet në peticion.
Peticioni, i nënshkruar nga më shumë se një milion njerëz para mesnatës, u bë publik një ditë para se Johnson të njoftonte qëllimin e tij për të pezulluar Parlamentin në një kohë kur vendi po pret daljen nga Blloku.
Drejtuesit e opozitës thonë se masa e Johnson është një përpjekje e qëllimshme për të penguar deputetët që të bllokojnë një Brexit pa marrëveshje.
Me mbështetjen e Presidentit amerikan Donald Trump, Johnson ka ndërmarrë hapin më të guximshëm deri më tani për të lënë BE-në deri më 31 tetor, me ose pa një marrëveshje, duke caktuar një datë të re për fillimin e sezonit parlamentar.
E njohur si Fjala e Mbretëreshës, kjo ngjarje zyrtare do të zhvillohet në 14 tetor dhe do të paraprihet nga një pezullim i Dhomës së Përfaqësuesve, që do të thotë se Parlamenti nuk do të mblidhet nga mesi i shtatorit deri në mes të tetorit.
Masa, e cila u miratua nga Mbretëresha Elizabeth, i jep opozitës më pak kohë për të ndërprerë Brexitin e çrregullt, por gjithashtu rrit shanset për një votë besimi naj Johnsonit dhe zgjedhjet e parakohshme.
Lëvizja e Johnson zemëroi liderët e opozitës aq shumë sa i shkruan mbretëreshës dhe kërkuan një takim me të.
Por mbretëresha po vepron sipas këshillës së kryeministrit dhe nuk pritet të marrë ndonjë rol aktiv.
Fjalimi i saj në hapjen e Parlamentit është shkruar nga qeveria dhe përshkruan planin e saj të punës.
I pyetur nëse po përpiqet të bllokojë politikanët që duan të vonojnë daljen e Mbretërisë së Bashkuar nga BE, Johnson u tha gazetarëve se ishte “absolutisht e pasaktë”.
“Do t’u jepte më shumë kohë të dy palëve në lidhje me këtë samit kyç të (udhëheqësve evropianë) më 17 tetor, një kohë kur deputetët do të diskutonin Brexitin dhe të gjitha çështjet e tjera. Bëhet fjalë për një kohë shtesë”, tha kryeministri.
Pezullimi i parlamentit shkaktoi një tronditje në skenën politike, vetëm disa javë përpara një prej vendimeve më të diskutueshme historikisht në historinë e vendit.
“Për të mos hutuar, ky është një grusht shteti në mënyrën britanike”, tha John McDonnell, një tjetër laburist i njohur.
Lajmet për pezullimin e Parlamentit çuan në një rënie të mprehtë të paundit ndaj dollarit dhe euros, pasi investitorët e panë atë si shkuarjes drejt një Brexi të çrregullt dhe me pasoja të rënda për ekonominë e Mbretërisë së Bashkuar. /tesheshi.com/
