Një miliard dollarë për OBSH-në, mesazhet e Bill Gates

Një miliardë dollarë u mblodhën si pjesë e “raundit investues” më të madh ndonjëherë për Organizatën Botërore të Shëndetësisë, i cili u organizua nga Asambleja Botërore e Shëndetësisë nën sloganin “Të gjithë për shëndetin, shëndet për të gjithë“.

Objektivi i OBSH-së për ciklin e saj të ardhshëm, 2025-2028, është të shpëtojë 40 milionë jetë. Për të arritur objektivin e saj, Agjencia ka nevojë për financim adekuat, të qëndrueshëm dhe të parashikueshëm.

Bill Gates, nga ana e tij, iu referua rëndësisë së financimit të shëndetit publik global, në mënyrë që të arrihet “një e ardhme më e shëndetshme për të gjithë”. Atë që po bën OBSH, asnjë vend nuk mund ta bëjë i vetëm, theksoi Gates. “Sfidat globale kërkojnë zgjidhje globale”, deklaroi ai dhe siguroi se “paratë që kam ndarë për OBSH-në janë paratë që kam shpenzuar në mënyrën më të mirë dhe qytetarët e vendeve kontribuuese duhet të ndihen të njëjtë”.

Në mbyllje të ngjarjes, drejtori i përgjithshëm i Organizatës Botërore të Shëndetësisë, Tedros Adhanom Ghebreyesus, vuri në dukje se pandemia e koronavirusit tregoi se, “kur shëndeti është në rrezik, gjithçka është në rrezik” dhe shtoi se investimet në OBSH janë investime jo vetëm në mbrojtjen dhe promovimin e shëndetit, por edhe “për shoqëri dhe ekonomi më të drejta, më të qëndrueshme dhe më të sigurta”. /tesheshi.com/