Të jetosh pa luftëra është e mundur. Ky është mesazhi që del nga gërmimet e bëra në Azi në një rajon të madh midis Pakistanit, Afganistanit dhe Indisë.
Nga kërkimet e shumta, arkeologët kanë rindërtuar karakteristikat e një qytetërimi shumë të lashtë që ka jetuar midis viteve 2600 dhe 1900 para erës sonë. Gërmimet e njëpasnjëshme, që prej viteve ’20, kanë çuar në zbulimin e shumë stolive, mjeteve të të gjitha llojeve, por nuk është zbuluar asnjë armë, e as kuaj.
Bëhet fjalë për një rast unik në historinë njerëzore. Një qytetërim që nuk ka pare kurrë luftë përgjatë historisë së tij të gjatë.
Por mungesa e shpatave është vetëm një aspekt që ka habitur ekpertët. Mungesës së armëve i shtohet edhe mungesa e pallateve mbretërore apo tempujve, çka të bën të mendosh edhe për një farë barazie shoqërore, diçka jo e zakonshme në historinë e qytetërimeve.
Me një fjalë, ky popull që ka jetuar në luginën e Indit duket se i përket një bote joreale, një utopie të pastër.
Karakteristikat e jashtëzakonshme të këtij qytetërimi unik i ka përshkruar Andrew Robinson, një ekspert i fushës, të publikuara në revistën shkencore New Scientist. /tesheshi.com/
