Ministrja e energjitikës Belinda Balluku, tashmë dhe zv.kryeministre, kërkoi që Ballkani të jetë më bashkëpunues në kuadër të krizës, asaj në energji.
Pas një dakortësie në kuadër të Ballkanit të Hapur, ku Shqipëria do i japë qymyr Serbisë e anasjelltas do sigurojë grurë, përfshirë këtu dhe Maqedoninë, Balluku tha se një zgjerim bashkëpunimi do ishte më frytdhënës.
“Prej afro një viti jemi në krizë për sigurimin e energjisë elektrike, por gjendja po vazhdon të përkeqësohet. Me çmimet që kanë kaluar në 500 euro për megavat dhe klimën e nxehtë, kjo situatë ka dalë jashtë parashikimeve,” tha ajo, duke theksuar projektet e reja që do të rrisin prodhimin në vend, dhe do të synojnë të mbrojnë tregun nga çmimet e larta.
“Shqipëria ka nevojë për rreth 7.5 mln megavat energji elektrike në vit, por me burimet e brendshme prodhon rreth 5 milionë,” u shpreh ajo e cila nga e hëna është dhe nr. 2 i qeverisë. /tesheshi.com/
