Uashingtoni i ka përcjellë një tjetër mesazh Metës, i cili sulmoi deri vulgarisht kreun e SPAK-ut, Arben Kraja, madje i gjithë lidershipi i PL. Ambasadorja Yuri Kim ka takuar Krajën një ditë më pas, duke shkruar:
“Kënaqësi të mirëprisja Kreun e SPAK Arben Kraja pas vizitës së tij zyrtare në Uashington, e cila forcon akoma më shumë bashkëpunimin midis Shteteve të Bashkuara dhe Shqipërisë në luftën kundër korrupsionit dhe krimit të organizuar. Shtetet e Bashkuara do të vijojnë të mbështesin fuqimisht punën e SPAK dhe institucioneve të tjera të reformës në drejtësi”.
Kështu, edhe njëherë Kim i ka kujtuar Metës në veçanti se Krahja është i besuari i amerikanëve dhe nuk mund të sulmohet kësisoj.
Një ditë më parë, Meta e quajti Krajën “spurdhjak”, thjesht nga fakti se SPAK dha sinjalin e parë të një hetimi ndaj ish-presidentit deri dje. /tesheshi.com/
