Edhe pse është verë, që të gjithë mund të luajmë e të argëtohemi me topat e borës, të cilët mund t’i blejmë të gatshëm apo t’i bëjmë vetë në shtëpitë tona. Fëmijët janë ata që nuk lodhen kurrë së luajturi me to, apo më shumë akoma, që i kanë lodrat e tyre të preferuara, duke i detyruar shpesh prindërit t’u blejnë një lodër të re. Nëse doni të bëni diçka të veçantë për fëmijën tuaj, më poshtë keni metodën dhe mënyrën e duhur për të përgatitur vetë një sferë bore në kushtet e shtëpisë.
Ju duhen:
Një vazo qelqi me kapak
Ngjitës i fortë
Një figurë e vogël plastike (aq sa të mund të futet brenda në vazo).
Ujë
Xixa
Pak glicerinë
Përgatitja:
Në anën e brendshme të kapakut ngjisni mirë kukullën plastike (si në fotogaleri). Mbushni vazon/kavanozin prej qelqi me sasi të njëjtë uji dhe glicerine. Shtoni xixat. Përziejini me një shkop për pak minuta. Vendosni më pas kapakun me kukullën plastike të ngjitur në të. Shkundeni dhe gjithçka është gati. /tesheshi.com/
