Flokët e femrave më se të shëndetshëm gjatë shtatzënisë, pas lindjes bëhen më të hollë dhe pa jetë. Gjatë periudhës së ushqyerjes me gji, trupi i femrës kalon një fazë shumë delikate, ndaj është e nevojshme marrja e kripërave minerale dhe vitaminave.
Këshillohet marrja rregullisht përmes ushqimeve e vitaminave A dhe B të cilat i bëjnë flokët më energjik dhe me të plotë.
Kujtoni se lyerja e flokëve dhe krehja me piastër janë armiq të shëndetit të flokut. Nëse nuk bëni dot pa i lyer, kërkoni te parukieri bojë pa amoniak.
Një nga mënyrat më natyrale në këto kushte është lyerja me këna. Kjo pasi bima nga e cila prodhohet kënaja cilësohet shumë ushqyese për flokët.
Ndërsa gjatë larjes së flokëve këshillohet të përdorni një mënyrë tjetër për hedhjen e shampos.
Masën që do hidhni për të larë flokët, treteni në një enë me ujë të vakët dhe më pas hidheni mbi ta. Pas kësaj fërkojini flokët duke i masazhuar dhe më tej shpëlajini me ujë të vakët.
Në rast se flokët vijojnë sërish të jenë të dobët, merrni kapsula për forcimin e tyre. /tesheshi.com/
