Prodhuesi italian i makinave luksoze, Lamborghini, ka arritur një marrëveshje me sindikatat FIOM dhe FIM-CISL për futjen e një jave pune katërditore për punëtorët e saj të prodhimit.
Sindikatat FIOM dhe FIM-CISL e quajtën marrëveshjen historike sepse Lamborghini, si kompania e parë në industrinë evropiane të automobilave, redukton ndjeshëm orët e punës pa ulur pagat, raporton Reuters.
“Duke punuar gjithnjë e më mirë, ky është parimi me të cilin janë zhvilluar këto negociata”, thuhet në komunikatën e sindikatës.
Punëtorët e prodhimit, me një orar të rradhës me dy turne, do të punojnë katër ditë në javë në vend të pesë ditëve dhe do të punojnë 22 ditë më pak çdo vit se më parë.
Të punësuarit që punojnë në tri ndërrime do të kenë një javë pune pesëditore që do të alternohet me dy javë pune katër ditore, që do të thotë se çdo vit do të punojnë 31 ditë më pak se më parë. /tesheshi.com/
