Çdo prind, pasi i ka provuar të gjitha, me pak fat ka arritur të gjejë mënyrën e tij për të ndalur të qarën e fëmijës së vogël. Edhe mjeku Robert Hamilton, pediatër në Santa Monica të Kalifornisë ka gjetur një marifet të tijin.
Hamilton, një profesionit me 30 vite eksperiencë, gjatë kohëve të fundit ka rrëfyer teknikën e tij, të cilën e ka quajtur ‘pritja’, për të qetësuar një fëmijë të vogël, ndërsa qan.
Hamilton sugjeron të mblidhen krahët e të sapolindurit ose të vendosen mbi gjoks dhe të mbahen me njërën dorë. Me dorën tjetër duhet të mbahet pjesa e fundshpinës së bebes në një kënf prej 45 gradësh. Pasi të krijohet ky pozicion, fëmija duhet të tundet pak lartë e poshtë. Mjeku sugjeron edhe goditjen në mënyrë të lehtë të prapanicës së fëmijës./tesheshi.com/
