Mund ta keni vënë re se gjëja e parë që ftohet shumë shpejt dhe që ju bën të vuani në dimrin e ftohtë janë këmbët. Kur është ftohtë jashtë, rrjedhja e gjakut në ekstremet e trupit është shumë e ngadaltë dhe këmbët nisin të ftohen.
Ftoma, krijimi i cisteve, problemet me veshkat janë vetëm disa nga shumë probleme me të cilat detyrohemi të përballemi për shkak të ftohjes së këmbëve, por ekziston mundësia për t’i mbajtur ato ngrohtë edhe kur është ngricë jashtë.
Na ndodh ndonjëherë që pas pune të presim autobusin për një kohë të gjatë, apo të ecim në mes të dëborës. As çizmet me llush apo çorapët e leshta nuk mund të na e përmirësojnë situatën, ndaj, për të mbajtur këmbët e ngrohta, ja çfarë ju duhen:
Një palë çizme për dimër
Një palë gërshërë
Një stilolaps
Material reflektues (mund të përdorni materialin reflektues që i vendosni makinës për ta mbrojtur nga dielli në verë)
Prisni materialin reflektues në formën e shollës së këpucës dhe vendoseni atë në tabanin e çizmes apo këpucës suaj. Tani këmbët tuaja janë gati të përballojnë çdo lloj ftome që bën jashtë.
Cili është marifeti? Materiali reflektues jo vetëm që do t’i mbajë këmbët të izoluara nga hyrja e të ftohtit por njëkohësisht do të reflektojë nxehtësinë e trupit tuaj duke bërë që këmbët të qëndrojnë të ngrohta. Provojeni pasi do të ngelni të kënaqur./tesheshi.com/
