Pasi ka parë mizoritë e luftës siriane, një mami nga Montreali, Rivka Cymbalist tha se ka ndjerë obligim për t’ju ardhur në ndihmë refugjatëve sirianë.
“Po mendoja se atje ka nëna dhe foshnja, dhe unë si mami në shërbim të tyre e kam parë të domosdoshme që të shkoj atje për t’i ndihmuar “, tha Cymbalist për CTV Montreal.
Ajo synon të niset për në Greqinë veriore, atje ku janë të bllokuar rreth 60,000 refugjatë, dhe atje të ndodhet pranë nëneje të ardhshme duke i ofruar shërbimin si mami. Puna e Cymbalist është që të shoqërojë gratë para, gjatë dhe pas shtatzënisë. Ajo ndihmon gratë duke i mësuar ato rreth të ushqyerit me gji dhe ballafaqimin me emocionet kontradiktore që vijnë me amësi të re.
Sa i përket barrierave gjuhësore të mundshme me të cilat ajo mund të përballet në Greqi, Cymbalist i tha CTV Montreal se ajo nuk ndihet fare e shqetësuar. “Puna është se ju mund të bëni aq shumë gjëra pa pasur nevojë për komunikim verbal. Kam me vete video që tregojnë për gjidhënien, andaj mund t’i ndihmoj një nëne gjidhënëse pa pasur nevojë për ndonjë sqarim”, sqaroi ajo.
Cymbalist do të punojë si vullnetare për tre javë e integruar në organizatën bamirëse Nurture Project International, e cila operon në Kios të Greqisë. Miqtë dhe familja e kanë ndihmuar atë duke dhënë të holla për udhëtimin, por dhe ndihma për nënat të cilat Cymbalist do të takojë atje ku do shkojë. Çanta e saj është e mbushur me ndërresa për bebe, batanije dhe pelena. /tesheshi.com/
