Nëse nuk do të ishte një mace, 27 vitet që mban mbi supe nuk do të përbënin aspak lajm. Në fakt Molly është një mace, e cila është gati të futet në Librin e Rekordeve Guiness, për jetëgjatësinë e saj.
Macja me qimen e butë gri me të bardhë, ka gjetur një banesë kur ishte vetëm disa muajsh në Capella Maggiore në rrugën Castelleto. Prej 27 vitesh, siç tregon pronarja e saj, Paola Volpato, Molly është një anëtare e familjes dhe ka marrë disa zakone, si për shembull: kupton pronarët e saj, përkëdhelet dhe fal shumë dashuri.
Një mace shtëpiake jeton mesatarisht 15 vite, që e përkthyer në vitet e njeriut do të thotë 75 vite. Pra, Molly është një mace mbi 100 vjeç. Rekordi, sipas Librit të Rekordeve Guiness, është thyer nga një mace tjetër italiane, e quajtur Sally, e cila është 29 vjeçe dhe jeton ende në një familje në Comeana, në provincën e Pratos në Itali.
“Ka qenë gjithmonë mirë. Një mace e shëndetshme. Tani sytë e saj kanë disa probleme, por deri disa vite më parë kishin ngjyrë të kaltër dhe plotë shkëlqim. Ka pak vështirësi për të ecur dhe sipas veterinerit Renzo Piccini vuan nga artriti e shpesh mezi mbushet me frymë, por që është normale për moshën e maces”,- rrëfen Volpato./tesheshi.com/
