Kreu i serbëve të Bosnjës, trazues i rajonit me politikën e tij, Milorad Dodik, është shfaqur Murin Perëndimor në Qytetin e Vjetër të Jerusalemit, pasi ka ngjeshur në kokë dhe festen hebreje. Pos kësaj, ka lenë aty, te Muri i Vajtimit, edhe zarfin me lutjen e tij. 
Ai tha se ishte lutur për shëndet dhe lumturi në familjen dhe njerëzit e tij të dashur, si dhe, te dëshira e tyre, Republika Srpska të jetë e pavarur. Pikërisht për këtë synim të tij, Bosnja ndihet e trazuar muajt e fundit, duke vënë alarmin dhe te ndërkombëtarët për rikthim të konfliktit. Kjo pasi te ideja e tij e shkëputjes së Republika Srpska, thuhet se qëndron vetë Moska.
Dodik ndodhet për një vizitë tre-ditore në Izrael, ku u takua me presidentin e Izraelit Isak Herzog. Ai më parë u takua me kryetarin e Organizatës Botërore Sioniste, Jacob Hagoel, i cili i dha atij një çmim.
Dodik u takua edhe me Patriarkun e Jeruzalemit Teofili i Tretë. Patriarku i dorëzoi atij Urdhrin e Patriarkanës së Jeruzalemit. /tesheshi.com/
