Një fëmijë nga Irlanda i dërgoi një letër Pfizer-it në SHBA, duke i bërë një kërkesë urgjente dhe serioze: që të dërguar vaksina kundër COVID-19 edhe për Santa Claus-in.
Gjashtë-vjeçari Callum Thornhill shkroi letrën sapo dëgjoi se Pfizer kishte zhvilluar një vaksinë të koronavirusit. Ai kërkoi që Santa të vihej i pari.
Nëna e tij Paula Linehan tha që Callum e dëgjoi lajmin për vaksinën në radio në fillim të nëntorit, ndërsa po udhëtonin drejt shkollës.
Sapo u kthye nga shkolla atë ditë, ai i shkroi një letër Pfizer-it, raporton The New York Times.
“I dashur Pfizer! Kam dëgjuar se keni bërë një vaksinë të re të koronavirusit. Punë të mbarë.
Ju lutemi, a mund të dërgoni disa vaksina në Polin e Veriut për Santa-n dhe kukudhët e tij? Ju lutem”, shkroi ndër të tjera, Callum i vogël.
Disa javë më vonë, ai mori një përgjigje nga Albert Bourlae, CEO i Pfizer-it, shkruan Irish Examiner.
“Letra si kjo nga fëmijët na mbingarkojnë me hir dhe shpresë, duke na kujtuar pse puna që bëjmë çdo ditë është kaq e rëndësishme,” shkroi Bourla në LinkedIn.
Ai i dërgoi një mesazh Callum, ku shkruante:
“Unë dua që ju të dini që ne po bëjmë gjithçka që mundemi që të sjellim shpresë te njerëzit në të gjithë botën. Dhe ne do të kujdesemi për Santa Claus-in dhe kukudhët e tij gjithashtu,” premtoi Bourla. /tesheshi.com/
