De Niro së fundmi është pyetur se si është të jesh baba i gjashtë fëmijëve, të cilit ai u përgjigj se nuk ka gjashtë por shtatë fëmijë, duke njoftuar kësisoj ardhjen në jetë të një tjetri. Por aktori me famë nuk ka dashur të tregojë emrin dhe gjininë e fëmijës.
Ky 79-vjeçar fitues i Oscar-it nuk donte të zbulonte as identitetin e nënës së foshnjës së tij. Kujtohet se për herë të fundit ishte i lidhur me instruktoren e arteve marciale Tiffany Chen, 64 vjeçe. Ata u fotografuan të kapur për dore në korrik 2022.
De Niro u nda nga gruaja e tij Grace Hightower, 68 vjeçe, me të cilën ishte i martuar për 20 vjet, në vitin 2018. Ata u martuan në vitin 1997, u ndanë në 1999, më pas u pajtuan, rinovuan betimin në 2004 dhe më pas ai aplikoi për divorc në vitin 2018. Tani ish-bashkëshortët po zihen për para, shkruan Daily Mail. /tesheshi.com/
